KOTSE NABANGGA NG TREN SA LAGUNA
- Wednesday, 01 February 2012
- Written by Calamba Super Administrator
Himalang naligtas ang isang babae matapos mabangga ang kanyang kotse ng isang tren sa Sta. Rosa, Laguna. Kaagad naman dinala ang driver ng kotse na si Kristine Antonette Cuevas sa Ospital na nagtamo lang ng ilang sugat. Nangyari ang insidente bandang 9:00 ng umaga sa Brgy. Tagapo.
Ayon kay Cuevas hindi niya narinig ang tren kaya siya nagpatuloy sa pagmamaneho na nauwi sa pagbangga ng tren sa hulihang bahagi ng sasakyan nito. Maging ang mga residente ng barangay ay nagtataka dahil 9:00 am dumadaan ang tren samantalang ang ruta nito ay sa ika-3:00 ng umaga at 8:00 ng gabi.
Samantala ayon sa Philippine National Railways (PNR) ang tren ay hindi passenger train kundi maintenance train na nanggaling sa Maynila patungo sa San Pablo, Laguna upang magsagawa ng pag-aayos.---MJ PEDRAJA
CALAMBEÑO BLOG is devoted to blogs/articles coming from visitors. Opinions/comments/views from visitors' articles does not reflect the opinion/comments/views of Calamba.ph