4 NA HIJACKERS, PATAY SA SHOOTOUT SA BATANGAS
- Wednesday, 18 January 2012
- Written by Calamba Super Administrator
Apat na kinikilalang hijackers ang namatay sa naganap na shootout sa mga pulis bandang 4:30 a.m sa San Roque Village, Sto. Tomas Batangas.
Ayon kay Batangas PNP Provincial Director Rosauro Asio, ang mga suspek ay nabilanggo na dati dahil sa panloloob ng bangko. Nakilala ang dalawa na si Jun Castillo at Roberto Rio.
Ang mga suspek ay lulan ng Starex Van na may lamang food products mula sa Cabuyao, Laguna. Nagsagawa agad ang awtoridad ng operasyon matapos mabigyang babala sa naganap na insidente, bandang 4:30 ng umaga nang mamataan ng awtoridad ang van na tumigil sa checkpoint ng nasabing lugar.
Nakipagbarilan umano ang mga hijackers sa mga pulis na nauwi sa pagkamatay ng mga suspek at pagkabawi ng nalalaman ng mga produkto ng pagkain.--MJ PEDRAJA
CALAMBEÑO BLOG is devoted to blogs/articles coming from visitors. Opinions/comments/views from visitors' articles does not reflect the opinion/comments/views of Calamba.ph