SILVER CLEANER NAPAGKAMALIANG JUICE, BATA PATAY!
- Wednesday, 11 January 2012
- Written by Calamba Super Administrator
Kamatayan ang sinapit ng isang bata matapos makainom umano ito ng silver cleaner na napagkamalan nitong juice noong Enero 7, 2012 sa kanilang bahay sa Old Market Site, Brgy. 5 Calamba City.
Ayon sa salaysay ng mga kaanak nito, inutusan si France Carthy Reyes, apat na taong gulang ng kanyang tiyahin na itago ang panglinis ng silver na nakalagay sa bote ng C2 ngunit sa pag aakala na ito ay isang juice ininom ito ng bata. Ilang minuto lamang ay dumaing ang biktima na nag-iinit ang kanyang katawan at gustong maligo, humihingi rin ito ng tubig sa pa-aakalang ito ay pagkauhaw lamang ngunit ng oras din yaon ay bigla na lang nagtaob ang bata, bumula ang bibig nito at lumaki ang tiyan. Agad namang dinala ang biktima sa Dr. Jose P. Rizal Memorial District Hospital at doon ay idiniklarang patay.
Samantala, kasalukuyang nakaburol si France sa kanilang bahay sa nasabing lugar at ililibing bukas sa Holy Family sa Brgy. Lecheria.---MJ PEDRAJA
CALAMBEÑO BLOG is devoted to blogs/articles coming from visitors. Opinions/comments/views from visitors' articles does not reflect the opinion/comments/views of Calamba.ph
Last Updated on Wednesday, 11 January 2012 13:25