NSO- LAGUNA MULING PINANGARALAN
- Friday, 09 December 2011
- Written by Calamba Super Administrator
| San Pablo City, Laguna--- Muling tumanggap ng karangalan ang National Statistics Office (NSO) Laguna bilang pangalawa sa pinakamahusay sa pagganap sa tungkulin na ipinatutupad ng NSO sa buong bansa. Ito ay iginawad noong Gabi ng Parangal noong Disyembre 2, 2011 kaalinsabay sa pagdaraos ng National Planning Workshop (NPW) sa Taal Vista Hoyel, Tagaytay City mula noong ika-30 ng Nobyembre hanggang ika-3 ng Disyembre 2011. |
Pinakabuod sa okasyong ito ay ang taunang Field Awards kung saan binibigyan ng parangal ang 5 pinakamahusay na rehiyon at 15 pinakamahusay na lalawigan sa pagpapatupad ng tungkulin sa limang kategorya: Statistical Operations, Civil Registration, Information Dissemination, Partnership and Linkages at General Administration.
Samantala, ikalawa ang NSO-Laguna sa NSO-Quezon na pinakamahusay na lalawigan sa buong bansa. Una naman ang Laguna sa kategoryang Information Dissemination. Noong nakaraang taon nakamit ng Laguna ang ikatlong parangal. Ito ay nagpapakita lamang na di masusukat ang pagharap sa hamon sa kabila ng critical at mga demands ns hinihingi sa pagganap sa kanilang tungkulin sapagkat sapat ang kanilang pagsasanay sa anumang gawainn at tungkuling iaatas sa kanila.
CALAMBEÑO BLOG is devoted to blogs/articles coming from visitors. Opinions/comments/views from visitors' articles does not reflect the opinion/comments/views of Calamba.ph
Last Updated on Friday, 09 December 2011 06:05