CCC, NAGPAMALAS SA LET EXAM
- Tuesday, 29 November 2011
- Written by Calamba Super Administrator
Ipinakita ng mga graduates ng city government-run City College of Calamba (CCC) na isa sila sa may pinakamahuhusay na estudyante sa mataas na marka nilang nakuha sa katatapos lamang na Licensure Examination for Teachers. Sa kabuuan 27 kumuha ng LET for Secondary Teaching ay 22 ang pumasa mula sa CCC o 81.48%. Napakalayo mula sa National Passing rate na 31.45%.
Pinakamataas ang CCC sa buong Lungsod ng Calamba samantalang halos sumusunod lamang sila sa University of the Philippines Los Baños (96.3%) na Top 1 sa buong bansa bilang Top Performing School. Pumapangalawa ang CCC sa buong probinsya sa mga paaralang may mahigit dalawampung kumuha ng LET. Ipinagbunyi naman ito ng buong komunidad ng CCC dahil ito rin ang pinakamataas na board passing rate nila sa kahit anong kurso sa kanilang limang taon bilang isang kolehiyo.
CALAMBEÑO BLOG is devoted to blogs/articles coming from visitors. Opinions/comments/views from visitors' articles does not reflect the opinion/comments/views of Calamba.ph