POLICE REPORT : CONSTRUCTION WORKER BINARIL DAHIL SA BASKETBALL
- Thursday, 08 September 2011
- Written by Calamba Super Administrator
Tama ng .38 de kalibreng baril sa kanang tagiliran at binti ang tumapos sa buhay ni Gerald Cruz, 40 taong gulang, single isang construction worker matapos itong barilin ng isang security guard na si Freddie Brillo sa Camella Millan, San Pedro Laguna kagabi sept 6 .
Ayon sa inisyal na imbestigasyon ni P03 Samuel Rebancos ng San Pedro Police, dakong 8:00 ng gabi ng balik balikan ang sekyu ng biktima sa kanilang guard house para hamunin subalit hindi ito pinapansin ng guardiya dahil lasing umano ito, subalit ng pasugod na sa kaniya ito ay napansin niya di umano na may hawak na 29 balisong kayat agad siyang nagbigay ng warning shot subalit buo na ang loob ng biktima na patayin ang guardiya sabay sigaw pa ng “sabayan na tayo” kaya naman wala na di umanong nagawa ang guardia kundi ang ipagtanggol ang sarili.
‘nakita ko may kutsilyo talaga sabi niya sabayan na lang no choice na ako talagang yun na talaga ang ginawa ko kung nagkasala naman ako eh yun talaga ginawa ko lang self defense talaga’
Sa panayam pa namin kay Freddie Brillo sinabi nito na minasama ng biktima ang pagbabawal nito sa kanila na maglaro ng basketball sa kanilang subdivision dahil hindi sila nakatala sa kanilang logbook, kaya naman nanawagan siya sa kaniyang mga kamaganak na nasa iloilo na wala siyang kasalanan at ipinagtanggol lang niya ang kaniyang sarili. Sa kabila nito sasampahan ng kasong homicide ang security guard--- CJ ALCANTARA
CALAMBEÑO BLOG is devoted to blogs/articles coming from visitors. Opinions/comments/views from visitors' articles does not reflect the opinion/comments/views of Calamba.ph