CALAMBEÑO BLOG: PANGANIB DULOT NG SIGARILYO
- Tuesday, 05 July 2011
- Written by Calamba Super Administrator
WARNING: CIGARETTE SMOKING IS DANGEROUS TO YOUR HEALTH
Ito ang mga salitang palagi nating makikita pagkatapos ng isang patalastas ng ano mang brand ng sigarilyo. Kahit sa kaha ng sigarilyo ay nakasulat ang mga salitang ito, bagamat sa kabila ng mga babalalang ito ay milyon milyong tao ang namamatay dahil sa mga sakit sanhi ng paghithit ng sigarilyo.
Ang sigarilyo ay mapanganib sa ating kalusugan. Ito ay may mga sangkap na chemical na nakalalason sa ating katawan. Ito ay may Ammonia na mabisang panglinis ng kubeta; Cadmium na nasa baterya ng sasakyan; Cyanide, DDT na pumapatay sa ipis; Formaldehyde na nasa pang embalsamo; Tar na gaya ng nasa aspalto, Benzopahyrene na nakaka-cancer; Nicotine na dahilan ng pagiging dependent sa sigarilyo; Vinylchloride na gingamit sa pag gawa ng plastic.
Dahil sa mahigit na 4,000 kemikal na nasa isang stick ng sigarilyo ay sampung pilipino ang namamatay kada oras dahil dito, o dalawang daan at apatnapu sa isang araw, o walongpu’t pitong libo at anim na raang buhay ng Pilipino ang nalalagas dahil sa sigarilyo kada taon ayon sa Department of Social Welfare.
Sa ating populasyon sa Pilipinas na 91milyon, 13 milyon ang naninigarilyo kasama ang menor de edad. Sa Pilipinas ang kabataan ay nagsisimulang manigarilyo sa edad na pitong taon, nagiging regular na ang bisyo na ito sa edad na labing tatlo hanggang labing lima. Isang masamang bisyo na dala na ng mga kabataan hanggang pagtanda.
Pumapangalawa ang paninigarilyo na sanhi ng pagkamatay sa buong mundo. Ang pinaka pangkaraniwan na sakit na dala ng paninigarilyo ay ang Lung Cancer. Mahigit 80% ng Lung Cancer Patient ay maiuugnay sa paninigarilyo. Bukod sa kanser sa baga, maaring maidulot din ng paninigarilyo ang iba pang mga uri ng kanser tulad ng cancer sa bibig, lalamunan, matris. Paninigarilyo rin ang sanhi ng emphysema. Ito rin ang pangunahinng sanhi ng sakit sa puso.
Ang Nicotine na nasa usok ng sigarilyo ay nagpapataas ng blood pressure. Dahil dito, nagiging mas mabilis ang pagtibok ng puso at mangangailangan ng mas maraming Oxygen, ngunit dahil sa Carbon Dioxode, ang kemikal na nasa usok ng sigarilyo, nababawasan ng 15% ang Oxygen na nakakarating sa puso. Ang Nicotine ay sanhi ng mga pag-ipon ng taba sa mga ugat, na nakapagpapababa ng blood pressure. Ang iba namang mga kemikal ay pumapasok sa agos ng dugo at humahadlang sa normal na sirkulasyon ng katawan. Dahil sa nababarahan ang mga ugat ay nagkakaroon ng mga sakit at atake sa puso.
Ang nakalulungkot na katotohanan hindi lamang ikaw na naninigarilyo ang maaaring mapinsala ng bisyong ito. Damay pati ang mga malalapit sa iyo Ang usok na nalalanghap ng mga kasama mo mula sa sigarilyo ay dahilan din ng pagkakasakit ng ibang tao kahit hindi sila naninigarilyo. Ito ang tinatawag na “Passive Smoking”. Mas marami pang konsenstrasyon ng masasamag kemikal ang nakukuha ng mga “Passive Smokers” (mga taong hindi naninigarilyo pero nakalalanghap ng usok ng sigarilyo) kumpara sa taong mismong nananinigarilyo.
Ang paninigarilyo ay hindi nakapagpapasaya. Ito ang lumabas na resulta ng pag-aaral na isinagawa ng Peninsula Medical School sa United Kingdom sa pangunguna ni Dr. Lain Lang hinggil sa kaugnayan ng paninigarilyo sa psychological well-being ng tao.
Sa kanilang pagsisiyasat, napag-alaman na ang mga naninigarilyo ay nakararanas ng mababang antas ng kasiyahan at life satisfaction kumpara sa mga hindi naninigarilyo.
Ayon pa rin sa kanilang pag-aaral, ang pleasure na nararanasan ng mga smokers ay dahil lamang sa adiksyon sa patuloy na paghithit ng sigarilyo.
Ipinapayo ng mga dalubhasa na kung nais ng isang tao na makaranas ng kasiyahan, panatilihin ang mabuting pangangatawan at kakuntentuhan sa buhay, kung kaya’t mas maiging tigilan na ang paninigarilyo.---J. ALMAZORA
healthcarepoint.blogspot.com |
CALAMBEÑO BLOG is devoted to blogs/articles coming from visitors. Opinions/comments/views from visitors' articles does not reflect the opinion/comments/views of Calamba.ph