Pabahay para sa Pulis at Militar, Itatayo sa Calamba

User Rating: / 1
PoorBest 

Isa ang Lungsod ng Calamba sa mga lugar na pagtatayuan ng pabahay para sa mga kapulisan at military.

Pinangunahan ni Presidente Benigno Simeon Aquino III nitong nakaraang Linggo ang paglulunsad ng mga pabahay sa 20,000 AFP at PNP personnel sa Bocaue, Bulacan. Nasa 4,000 na housing units ang itatayo sa nasabing lugar.

Maliban sa Calamba at Bocaue, magkakaroon din ng mga housing units sa San Jose del Monte at Norzagaray sa Bulacan, Rodrigueza sa Rizal at Trece Martires at General Trias sa Cavite.

Makakapamili ang mga benepisyaryo kung saang lugar nila gusting tumira. Nagkakahalaga ng P35,000 ang subsidy ng gobyerno sa bawat housing unit.

Ito ay alinsunod sa Administrative Order 9 na pinirmahan ni Pangulong Aquino noong Abril 11, 2011 na nagsasaad sa impelmentasyon ng AFP/PNP Housing Program.

Dumating dinsa nasabing pagtitipon sina Housing and Urband Development Coordinating Council at Vice President Jejomar Binay,Senator Antonio Trillanes IV, Technical Education and Skills Development Aunthority Director Joel Villanueva, Interior Secretary Jesse Robredo, Bulacan Governor Willy Alvarado, AFP Chief Gen Eduardo Oban Jr at PNP Chief Director General Raul Bacalzo./ Matt Palentinos

Picture Source: talakayanatkalusugan.com