BANTA NG DISPERSAL PINANGANGAMBAHAN NG MGA TAGA-CANLUBANG

User Rating: / 0
PoorBest 

Sa isang panayam sa mga lider ng grupong nagpipiket sa harap ng City Hall,ang KASAMA-KA CANLUBANG ay ipinahayag nito ang kanilang agam-agam sa balitang ang kanilang grupo ay idi-disperse kung hindi sila aalis sa harap ng City Hall.  Ayon sa isang reliable source, diumano ay mayroong liham mula sa Tanggapan ng Punonglungsod para sa Tanggapan ng Public Order and Safety at Pulisiya na nagsasabing kailangang paalisin na ang mga raliyista at kung hindi sila aalis ay idi-disperse sila dahil wala silang permit na magsagawa ng ganitong piket.

Matatandaang halos dalawang buwan ng nagkakampo ang mga taga-Canlubang upang iprotesta ang kawalan diumano ng aksyon ng lokal na pamahalaan sa kanilang mga problema sa barangay tulad ng kawalan ng serbisyo ng kuryente at ang hindi pagkilala ng Punong lungsod sa kanilang pagiging lehitimong taga-Canlubang.  Nitong nakaraang linggo lamang ay nahayag sa national television ang suliraning ito ng Calamba dahil insidental na kinapanayam sila ng mga taga-ABS CBN nang ang mga ito ay magtungo sa Calamba upang i-cover ang ginagawang rebulto ni Dr. Jose Rizal.

Ipinagtanggol naman ni Konsehal Niño Lajara ang karapatan ng mga taga-Canlubang na magpiket sa harap ng City Hall.  Lumiham ang konsehal sa Punonglungsod bilang pagtugon sa isyu ng kawalan ng permit ng mga raliyista. Binigyang-diin nito ang right to freedom of expression na garantiya ng Konstitusyon.  Ipinaliwanag din ng konsehal na ang “no permit no rally” policy na sang-ayon sa Public Assembly Act of 1985 ay aplikable lamang sa mga bayan o lungsod na nakapagtakda ng tinatawag na freedom park, at ang lungsod ng Calamba ay wala pang itinatakdang freedom park kung kaya’t hindi kinakailangang kumuha ng permit ang mga raliyista sa lokal na pamahalaan lalo pa at mapayapang pagpoprotesta ang kanilang ginagawa.  Babala pa ng konsehal na kung sakaling i-disperse sila ay mangangahulugan ito ng paglabag sa karapatang pantao ng mga taga-Canlubang.

Ipinahayag ng mga lider ang kanilang pangamba na sa gitna ng pagdiriwang para sa pambansang bayani ay matakpan ang katotohanang mayroong sektor ng mga mahihirap sa Canlubang ang kasalukuyang dumaranas ng kaapihan at pagbalewala mismo ng lokal na pamahalaan—J. JACINTO

RELATED VIDEO:

http://www.youtube.com/watch?v=NlxPEj-4_MY

RELATED ARTICLES:

• POSSESSORY RIGHTS NG MGA TAGA-CANLUBANG KINIKILALA NG KORTE
• Mayor Chipeco Kinasuhan ng mga taga-Canlubang
• CALAMBEÑO BLOG: MAYOR CHIPECO OF CALAMBA CITY--Ang mga kontrobersiya sa kanyang panunungkulan
• Hacienda sa Canlubang: Ang Nakaraan at Ang Kasalukuyan
• Ang Sigaw: Ibalik ang Moratorium sa Lupain ng Barangay Canlubang!
• Libreng Pabahay at Retirement Benefits para sa Manggagawa ng Canlubang Sugar Estate Nakasaad sa Collective Bargaining Agreement
• Pag-amyenda sa Local Zoning Ordinance No.256: Sagot sa Laban ng Canlubang
• Views on Moratorium in Canlubang: According to  the Mayor,Vice Mayor and the Sanggunian Panlungsod
• Pagkitil sa Kabuhayan ng mga Coconut Farmers sa Sitio Buntog, Napigilan
• Buntog: Katiwasayan Kailan Makakamtan!
• Calambeño blog: Rikit sa Nagniningas na Galit (Ang Mukha ng Buntog
• MANGGAGAWANG BUKID NG CANLUBANG, IPINAGTANGGOL NI KONSEHAL NIÑO LAJARA
• Isang Lingon, Sampung Hakbang Pasulong