Demolisyon, Nasaan ang Relokasyon?

User Rating: / 4
PoorBest 

Calamba City- Sa ginanap na malawakang demolisyon noong April 27, 2011 , dakong alas 8 pa lang  ng umaga ay  napakarami na ng tao sa kalsada ng Purok 1 Brgy. Parian Calamba City kung saan ito ay naiulat na idedemolish na tinatayang halos nasa (700) pitong daang kabahayan at libong mamamayan ang mawawalan ng matutuluyan ng araw na iyon, sa kabila ng kanilang pagmamakaawa na huwag itong ituloy subalit ganap na alas dos ng hapon ay nagsagawa na nga ng demolisyon, ang ilan duon ay kusang umalis na at ang iba ay patuloy na nakikipaglaban sa kalaunan ay kusa na rin silang umalis na nagdadalamhati sa sinapit nila na ang ilan doon ay nanirahan doon sa loob ng 38 taon ay nagsilbi na itong kanilang tirahan,  kasabay ng pangarap nila para sa kanilang pamilya ay ito ay naglaho na. Isa sa panayam kay Mang Larry Almazan, residente doon sinabi niya na humihingi sila ng awa at habag sa mga nanunungkulan, nagsagawa na sila ng rally upang kahit papaano ay mapansin sila ng pamahalaan at  ayon  pa sa kanya ay wala daw silang relokasyon at saan naman daw sila pupulutin na kalimitan pa sa kanila ay mga mga pamilya at mga anak .

Ayon pa sa mga  apektadong residente ay sinubukan nilang humingi ng tulong para sa relokasyon sa ating pamahalaan , nanawagan din sila kahit sa Pangulong Pnoy na sila ay pansinin subalit magpahanggang ngayon ay walang katiyakan kung matutulungan sila ng ating pamahalaan. // Arlene P. Mariposque