JUNIOR MASTER CHEF SA LETRAN
- Monday, 07 March 2011
- Written by Calamba Super Administrator
Ginanap nitong ika-3 ng Marso ang “Junior Master Chef” cooking competition sa Colegio de San Juan de Letran Calamba. Ito ay nilahukan ng mga First Year students ng kursong Hotel & Restaurant Management. Layon ng patimpalak na ito na hasain ang husay at galing ng mga mag-aaral pagdating sa paghahanda at pagluluto sa isang competitive setting. Mayroong halos isang daang kalahok ang naglaban sa apat na ibat-ibang kategorya: Fish with Egg, Pork with Cheese, Poultry with String Beans at Pasta with Tofu.
Naging matagumpay sa buong mundo ang mga ganitong culinary contest gaya ng mga reality shows na Top Chef at Masterchef. Sa pamamagitan nito ay nagkakaroon ng mas malawak na kaalaman ang madla sa iba’t-ibang cuisine at mga combinasyon ng mga sangkap para sa isang malinamnam na lutuin tungo sa malusog na pangangatawan.
