Guri City Mayor PARK YOUNG SUN muling bumisita sa Calamba
- Saturday, 08 January 2011
- Written by Calamba Super Administrator
January 6, 2011/Calamba City---Masayang sinalubong ng mga kawani at mga konsehal ng lokal na pamahalaan ng lungsod ng Calamba, sa pangunguna ni Vice Mayor Severino "Binoy" J. Lajara ang grupo ng mayor ng Guri City, Korean na si Mayor Park Young Sun. Ito ang ika-apat na beses na bumisita ang mayor sa lungsod at itong taon ay personal niyang pinangunahan ang pag turn-over ng isang Fire Truck bilang kanilang donasyon sa lungsod ng Calamba.
Sa tatlong araw na pamamalagi ng grupo ay binisita nila ang City College of Calamba (CCC), Rizal Shrine, at ang iba pang mga tourist areas sa Laguna. Dinalaw din nila ang mga health facilities ng lungsod. Sa kanilang pagbisita sa City College of Calamba ay inobserbahan nila ang istilo ng pagtuturo ng mga guro. Nagbabalak ang mga Korean na kumuha ng mga guro sa CCC na magtuturo ng English sa kanilang mga mag-aaral sa pamamagitan ng internet.
