RESOLUSYON UPANG MAGKAROON NG KURYENTE SA CANLUBANG, INIHAIN
- Wednesday, 28 July 2010
- Written by Calamba Super Administrator
July 26,2010, SP Session Hall--Naghain ng isang resolusyon ang Kagalang-galang na Konsehal Christian Niño S. Lajara na humihiling sa MERALCO na magkaroon ng kuryente sa ilang mga sitio sa Barangay Canlubang. Ito ay sang-ayon na rin sa kahilingan ng iba't-ibang grupo sa loob ng Canlubang mula Buntog, Balagbag Araw, Canlubang Proper at iba pa na mabigyan na nag kasagutan ang isa sa matagal ng usapin sa barangay na ito, ang kawalan ng kuryente. Bagamat nagpahayag ng pagsang-ayon ang kagalang-galang na Konsehal Morales sa panukalang ito ay sinabi nitong mahihirapan ang Sanggunian Panlungsod sa isyung ito dahil sa Pamilya Yulo. Maaalalang patuloy ang banggaan ng kampo ng mga manggagawang bukid ng Canlubang at ng mga Yulo at mga Developer dahil sa usapin sa lupa. Hiniling ni Lajara na magkaroon ng en banc meeting ang Sanggunian upang ito ay mas malalim na mapag-usapan.
