Ayon kay Ronaldo Dela Cruz, hepe ng City Housing and Settlement Department, ang implementasyon na gagawin ng PNR ay kukuha ng tig-labinlimang metro sa magkabilang panig ng “Right of Way” na kukunin ng PNR. Ang lahat ng apektado ay dadalhin sa relocation project sa Barangay ng Kay-Anlog na may sukat na labinwalong (18) hektarya at sa Barangay Burol na may sukat na isang (1) hektarya.
Ang proyekto ng relokasyon ay ipapatupad sa pamamagitan ng pag-loan ng tao sa National Housing Authority o NHA at huhulugan ng mga tao sa mababang halaga sa loob ng dalawampung (20) taon. Ang bawat benepisyaryo ng relokasyon ay mayroong tatlumputlimang (35) metro kuwadrado na may halagang Php 60,000. Ang bahay o panirahan ay may halagang Php 150,800.
Ang mga barangay na apektado ng nasabing proyekto ay ang mga Barangay ng Banlic, San Cristobal, Parian, Barangay 1, Lecheria, Halang, Real, Bucal, Sucol, Masili, Pansol, at Bagong Kalsada.
