Ang Philippine Coastguard Auxiliary, sa pamumuno ni Commodore Errol Ramirez, at sa pakikipagtulungan ng pamunuan ng mga barangay, ay nagsagawa ng relief operation sa mga naapektuhan ng nakaraang Bagyong Ondoy sa Lungsod ng Calamba. Ayon kay Dr. Rodolfo Barbosa Jr., komandante ng Philippine Coastguard Auxiliary at pangulo ng Samahang Kabuhayan sa Calamba, Laguna, Inc. ng opisina ni Kagalang-galang Konsehal Christian Niño S. Lajara, isinagawa nila ang relief operation sa mga barangay na sakop ng Cluster 1. Ang mga nasabing mga barangay ay ang Bagong Kalsada, Masili at Sucol.
Dagdag pa niya, naserbisyuhan nila ang mahigit siyam na raang (900) pamilyang nasalanta ng nakaraang Bagyong Ondoy. Ang relief operation na inilunsad nila noong ika-20 ng Oktubre 2009 ay tumagal mula ika-1 hanggang ika-4 ng hapon. Layon nila na abutin ang iba pang mga barangay na lubhang naapektuhan ng bagyo at pagtaas ng tubig sa Laguna de Bay.
21 October 2009
