PUBLIKO BINALAANG MAG-INGATSA PAGBILI NG FROZEN MEATS
- Friday, 23 September 2011
Binabalaan ang publiko na maging mapag-ingat ukol sa ‘frozen meats’ na itinitinda sa merkado dahil sa madali itong kapitan ng bacteria kung kaya’t dapat maging mapanuri at mapagmasid ang publiko.
Ayon kay AGAP Partylist Rep. Nicanor Briones, dahil mababa ang farm gate price ng karne ng baboy dapat ay nasa P150 kada kilo lamang ang presyo nito overpriced ang karne ng baboy kung P170-P180 ang benta nito kada kilo. Ipinaliwanag nito na ang presyo ng baboy sa farm gate ay nasa P90 kada kilo at ang dapat idagdag ditto ay P60 lamang upang ma-cover ang gastos sa transportansyon at upa sa pwesto.
Sinabi pa ng opisyal na ang pagbaba ng presyo ng baboy ay bunga ng oversupply ng mga puslit na baboy na ipinapasok sa bansa at ibinebenta bilang ‘frozen meat products’ sa mga pamilihan.
Dapat na tangkilikin ng publiko ang lokal na produkto sa halip na ang mga imported na karne na lubhang nakakaapekto sa sektor ng pagbababuyan at pagmamanukan, dagdag pa nito.
CALAMBEÑO BLOG is devoted to blogs/articles coming from visitors. Opinions/comments/views from visitors' articles does not reflect the opinion/comments/views of Calamba.ph