PEKENG PRODUKTO NG “KOPIKO” NAKUMPISKA NG CIDG –CALABARZON
- Wednesday, 23 March 2011
Nakumpiska nga ng CIDG CALABARZON kamakailan Marso 18, 2011 dakong alas 7 ng umaga ang kumakalat na pekeng produkto ng sinasabing “KOPIKO” base sa imbestigasyong isinagawa sa pamumuno ng RCIDU4A ni Pssupt. Edwin Jose G. Nemenzo at sa tulong nina Mr. Rene dela Calzada ang Presidente ng TRIDHARMA MARKETING CORPORATION, EXCLUSIVE DISTRIBUTOR ng KOPIKO PRODUCTS, At si Mr. Nestor Barrion, NATIONAL SALES & PROMOTION MANAGER, INBISCO PHILIPPINES nakumpiska nga itong nasa anim na daan at sampung kahon ng KOPIKO (610) na humigit kumulang na nasa halagang siyam na libong piso PHP 900,000.00 at ito ay nasa pangangasiwa ng K GRAIN TRADING WAREHOUSE na pag- aari naman ni Mr. KEN YUE ng VELASQUEZ ST., BRGY. SAN JUAN, TAYTAY, RIZAL.
Dahil sa pangyayari nagsagawa ng isang search warrant NO. 1931-11 paglabag sa F SECTIONS 155 at 168 RA 8293 (INTELLECTUAL PROPERTY CODE OF THE PHILIPPINES) laban sa suspek na si MR. KEN YUE ng K GRAIN TRADING.
Ang naturang pangyayari ay pinatunayan nina Mr. Rene dela Calzada at Mr. Nestor Barrion, Ms. Mejorie Delapa at Ms. Simonette Delcano at Mr. Danilo Valle, kapwa BARANGAY TANOD ng BRGY. SAN JUAN, TAYTAY, RIZAL.
Lahat ng nakumpiska kabilang ang mga resibo at mga produkto ng kopiko ay nasa pangangalaga na nina Mr. Rene dela Calzada at Mr. Nestor Barrion at dinala ito sa kanilang WAREHOUSE sa may TRIDHARMA MARKETING CORPORATION na nasa may NO. 48 A, RODRIGUEZ AVE., PASIG CITY. // Arlene P. Mariposque